Этек кириӊиз башталганы жөнүндө жаӊылыкты ата-энеӊизге кантип айтасыз?
Киришүү
Сиздин биринчи этек кириӊиз башталып, толкунданып турсаӊыз, ата-энеӊизге кантип айтуу керек? Кабатырланбаӊыз, бул маанилүү учурдан өтүү жолунда биз жардамга келебиз.
Макала
Салам! Сиздин биринчи этек кириӊиз башталып, толкунданып турсаӊыз, ата-энеӊизге кантип айтуу керек? Кабатырланбаӊыз, бул маанилүү учурдан өтүү жолунда биз жардамга келебиз. Бул сизге ыӊгайсыз, кызыктай сезилгени менен, чындап келгенде, жөпжөнөкөй эле нерсе.
Этек кир – бул сиздин жашооӊуздагы табигый ченемдеги эле көрүнүш. Келиӊиз, ата-энеге кантип билдирүү керектиги жөнүндө сүйлөшөлү.
- Убакытты тандоо. Бул тууралуу качан, каяктан айтуу керектигин ойлонуӊуз. Балким кечинде бардыгыӊыздар тынч отурганда айтаарсыз, же апаӊызды сейилдеп келүүгө чакырып, таза абада талкуулап, айтаарсыз.
- Жөн эле айтыӊыз. Кабатырлануунун да, атайын даярданган сөздөрдүн да кереги жок. «Апа (же ата), этек кирим келип баштады» деп, жөн гана ток этер жерин айтып коюуга болот.
- Суроолорго даяр болуӊуз. Ата-энеӊиз сизди кабатыр болбогонуӊузга ынаныш үчүн, көбүрөөк нерсе билгилери келиши мүмкүн. Качан башталганын, өзүӊүздү кандай сезип жатканыӊызды сурашы мүмкүн.
- Эмоцияӊыз менен бөлүшүӊүз. Кубанып жатсаӊыз, же толкунданып турсаӊыз – эмоцияӊызды жашырбаӊыз. Ата-эне сизди дайыма түшүнүп, дайыма колдоп турчу адамдар.
- Кеӊеш сурагандан уялбаӊыз. Эгер сиз бул күндөрү өзүӊүздү кандай алып жүрүүнү билбесеӊиз, апаӊыздан сураӊыз. Апаӊыз сизге жеке гигиенанын туура келүүчү каражаттарын тандап алууну үйрөтүп, пайдалуу кеӊештерди берет.
Этек кирдин башталышы - жашооӊуздагы чоӊ кадам экендигин унутпаӊыз. Бул деген сиздин дагы бир баскычка чоӊойгонуӊузду билдирет, демек сонун да! Ата-эне сизге дайыма кеӊешин айтып, ушул жооптуу мезгилде колдоп турууга даяр болот. Демек, эч кандай коркпоӊуз, бардыгы табиятка жараша өз нугу менен болот!
